【澄兄講故事 - 10 little rubber ducks】 Eric Carle 嘅繪本真係好多都啱1-5歲小朋友，上次澄兄講咗各位爸媽都識嘅 Very Hungry Caterpillar，今次快速講 10 little rubber ducks，平時佢會每隻動物講名，又要數下星星，今次見到有媽媽拍攝，加上小小眼瞓，所以有個簡略版🤣 因為好少聽其他媽媽講呢本書，我就介紹一下有咩咗吸引澄兄同湜澄媽啦～～～ 🐥第一頁已經有10隻鴨嘅剪影，學識數數目嘅李澄每次都會指住數。 🐥膠鴨鴨喺工廠被油顏色，入箱，上車，上船都好真實實際。 🐥大貨船遇上大浪，一箱鴨仔跌落海，夠曬刺激！ 🐥10隻鴨仔從始各散東西... 佢地去咗地球唔同角落（例如北極）探險，會見到唔同嘅生物（八爪魚，海龜等），間接（直接？）俾小讀者知道唔同動物嘅習性（如海豚會跳躍）。小讀者仲會好緊張，到底下一隻鴨鴨會見到邊個？ 到太陽落山，第10隻膠鴨鴨仲係自己一隻喺大海漂浮，當小讀者覺得佢好可憐，仲未搵到朋友嘅時候，原來....... #賣個關子，欲知結局如何，可以去睇下呢本書🤣 或者睇下澄兄講咗乜🤣🤣🤣 Eric Carle 嘅故事插畫簡單而色彩豐富，唔同年齡嘅小讀者讀同一本書，亦會有唔同嘅體會。10 little rubber ducks 就先俾澄兄初步了解生物學同少少地理，或者，將來佢可能會想像到個結局其實可以好慘 （因為湜澄媽覺得唔係 happy ending... ） 我知道 KidsFest Hong Kong 呢幾日做緊 the very hungry caterpillar ，不過我覺得澄兄仲未ready睇show，希望佢大個d嘅時候會再上演啦。 #EricCarle #10littlerubberducks #storytelling Desiree Yi Ching Lee